Қыста иммунитетті нығайтуға арналған топ-8 рецепт

Қыс – суық, вирустар және күш-қуаттың төмендейтін кезеңі. Иммунитетті нығайту үшін дәрумендерді, физикалық белсенділік пен үйдегі табиғи рецепттерді үйлестірген аса пайдалы. Лайқос ағзаның қорғаныс қабаттарын қолдауға болатын тексерілген сегіз тәсілді жинады.

Жемісқақ пен жаңғақ қосылған Амосов пастасы

Бұл иммунитетке арналған тәтті әрі нәрлі қоспа, сонымен бірге ол ағзаны дәрумендер және минералдармен қанықтырады. Жемісқақ жасұныққа, дәрумендер мен антиоксиданттарға бай, ал жаңғақтар ақуыз бен пайдалы майларды береді, лимон С дәруменімен қамтамасыз етсе, бал иммунитетті көтереді және қуат сыйлайды.

Қалай дайындалады:

• 200 г қара мейіз, қара өрік, өрікқақ пен інжір немесе құрма;
• 200 г кез келген тазартылған жаңғақ (грек жаңғағы, бадам, кешью немесе микс);
• 1 орташа лимон, дәнектерін алып тастау керек;
• 200 г табиғи бал, қоюлығы орташа.

Барлық ингредиенттерді біркелкі пастаға дейін блендердің ішінде араластыру. Тоңазытқышта сақтау. Күніне 2-3 рет 1 шай қасықтан қабылдау.

Лимон, бал мен зімбір қоспасы

Иммунитетті ынталандыратын және жылдың суық мезгілінде жылытатын қарапайым қоспа. Лимон С дәруменіне бай, зімбір қан айналымын жақсартады және қабынуға қарсы қасиеттерге ие, бал тамақты тыныштандырады және ағзаның қорғаныс қабілетін қолдайды.

Қалай дайындалады:

• Жас зімбірдің 1-2 см үккіштен өткізу;
• Жарты лимонның шырынын сығып алу;
• Балдың 1-2 шай қасығымен араластыру.

Таңертең қабылдауға және жылы суға қосуға болады.

Жылы куркума сусыны

Куркума – табиғи антиоксидант және қабынуға қарсы құрал. Иммунитетті нығайту мен қабыну үдерістерін төмендетуге көмектеседі.

Қалай дайындалады:

• 1 шай қасық куркума;
• 200 мл ыстық сүт немесе өсімдік баламасы;
• Дәм беру үшін қара бұрыштың бір салымы мен азғантай бал.

Ағзаны нығайту мақсатында ұйықтар алдында ішу керек.

Итмұрын қосылған шай

Итмұрын – С дәрумені мен антиоксиданттардың нағыз қайнар көзі. Иммунитетті көтереді, шаршағандық пен салқын тиюге қарсы күресуге көмектеседі.

Қалай дайындалады:

• 1 ас қасық кептірілген жидекке 250 мл қайнаған су құйыңыз;
• 10-15 минуттай тұндырыңыз;
• Қаласаңыз, кішкене бал қосыңыз.

Сәбіз–алма фреші

Балғын, дәруменге бай әрі өте дәмді сусын. Сәбіз – бета-каротинді (А дәрумені), ал алма жасұнық пен С дәруменін береді.

Қалай дайындалады:

• 2 орташа сәбіз бен 1 алманы шырынсыққыштан өткізіңіз;
• Қаласаңыз, аздап лимон шырынын қосыңыз.

Шырғанақ қосылған шай

Шырғанақ – зор пайдасы бар кішкентай жидек. С дәрумені, В тобының дәрумендері, каротиноидтар мен антиоксиданттар иммунитетті нығайтуға көмектеседі.

Қалай дайындалады:

• 1-2 ас қасық шырғанақ жидегіне қайнаған су құйыңыз;
• 5-10 минуттай тұндырыңыз;
• Қаласаңыз, бал немесе лимонды қосыңыз.

Жидек пен жаңғақ қосылған сұлы жармасы

Қысқы таңға арналған жылы және нәрлі тағам. Сұлы жармасы – жасұнық пен минералдарға, жаңғақтар – ақуыз бен пайдалы майларға, ал жидектер ағзаны антиоксиданттарға қанықтырады.

Қалай дайындалады:

• 50 г сұлы жармасын суға немесе сүтке пісіріңіз;
• Бір уыс жидек пен ұсақталған жаңғақтарды қосыңыз;
• Қалауыңыз бойынша балмен тәттірек етіңіз.

Даршын мен қалампыр қосылған шай

Вирусқа қарсы әсері бар хош иісті және жылытатын сусын. Даршын мен қалампыр иммунитетті ынталандырады және ағзаға салқын тиюге қарсы төтеп беруге көмегін тигізеді.

Қалай дайындалады:

• Бір шыныаяқ ыстық суға даршын таяқшасы мен 2-3 қалампырды қосыңыз;
• 5-7 минуттай тұндырыңыз;
• Қаласаңыз, бал немесе лимонды қосыңыз.

Қорытынды

Бұл рецепттерді толыққанды ұйқы, физикалық белсенділік және гигиенаны сақтау шараларымен бірге кешенді түрде қолданған абзал. Үй қоспалары мен сусындары – қыс мезгілінде ағззаны қолдаудың тамаша тәсілі, дегенмен созылмалы немесе күрделі ауруларға шалдыққанда оларды дәрігермен талқылап алу ұсынылады.