Компанияға арналған ойындар: уақытты көңілді өткізудің жолы

Жұмыс күнінен кейін немесе ауыр аптадан соң демалудың ең жақсы тәсілдерінің бірі – достарыңыздың ортасында уақыт өткізу. Сонымен бірге міндетті түрде ішімдік ішудің қажеті жоқ: допингтің көмегінсіз де көңіл көтеруге әбден болады. Компанияға арналған ойындар – жақындасу мен ұмытылымас естеліктерді қалдырудың керемет мүмкіндігі. Үйде, кафеде немесе табиғат аясында – қай жерде жиналғаныңыз маңызды емес: дұрыс таңдалған ойын бас қосуды тірілте түседі және тамаша көңіл-күй сыйлайды. Лайқос кез келген компанияның көңілінен шығатын және уақытты көңілді өткізуге көмектесетін үздік ойындарды жинады.

Мафия

Классикалық рөлдік ойын. Қатысушылар екі топқа — мафия және бейбіт тұрғындар болып бөлінеді. Ойынның мақсаты — стратегия, түйсік және сендіре білу қасиетін қолдана отырып, мафияның барлық мүшелерін анықтау. Бұл ойын шағын компания үшін де, сол секілді үлкен топтарға да жарамды. Арнайы карталар жиынтығын сатып алуға болады, не болмаса онсыз да ойнай аласыз.

Қолтырауын

Қатысушылардың бірі дене қимылдары мен ымдау арқылы басқаларға қандай да бір сөз немесе сөз тіркесін түсіндіруі керек, ал қалған ойыншылар оны табуға тиіс. Көңілді, белсенді ойын қатысушылардың қиялы мен актерлік қабілеттерін дамыта түседі.

Элиас (Alias)

Серіктестеріңізге сөздің өзін атамай-ақ, оны түсіндіруіңіз керек. «Қолтырауынға» қарағанда мұндағы айырмашылық – сізге сөйлеу рұқсат етілгенімен, түбірлес сөздерді айтуға болмайтынында жатыр. Бұл сөздік қорыңыз бен жағдайға жылдам әрекет ету қабілетіңізді дамытуға арналған керемет ойын. Элиас достық кездесулерге де, сол секілді корпоративтік іс-шараларға да тамаша жарасады.

Дженга

Бұл ойын ептілік пен зерделілікке бағытталған. Қатысушылар мұнараны бұзып алмауға тырысып, оның ағаш блоктарын кезек-кезек шығарып отырады. Әрбір қадам сайын тапсырма күрделене түседі, әрі бұл ойынға адреналин мен көңіл көтеріңкілік қосады. Мұнда реквизит, яғни, ағаш блоктардың қажет болатыны сөзсіз.

Твистер

Твистер — бұл сіздің денеңізді барлық мүмкін бағыттарға созылуға мәжбүрлейтін ойын! Қатысушылар нұсқауларды орындай отырып, аяқ-қолдарын кілемшенің бетіндегі түрлі-түсті шеңберлерге қоюы тиіс. Ойын белсенді демалыс үшін өте қолайлы және кез келген компанияның көңіл-күйін көтеретіні анық. Мұнда да реквизит қажет, алайда кілемшені өз қолыңызбен жасасаңыз да, не болмаса сатып алсаңыз да болады.

«Не? Қайда? Қашан?»

Бұл зияттық ойын логика, білімдарлық пен жылдам ойлау қабілетін қажет етеді. Қатысушылар командаларға бірігеді және қысқа ғана уақыт аралығында күрделі сұрақтарға дұрыс жауап беруге тырысады. Ақыл-ой қабілеттерін таныту әуесқойлары үшін керемет ойын. Сауалдардың өзін ғаламтордан «НҚҚ ойынының сұрақтар базасы» деген сұранысы бойынша оңай таба аласыз.

Компанияға арналған үстелдегі ойындар

Үстелдегі ойындар көңілді сергітіп қана қоймай, сондай-ақ стратегиялық ойлау, логика және жасампаздықты дамытуға көмектеседі. Көптеген қалаларда осындай ойындарды ұсынатын орындар баршылық, мұндай жерге барып, ойналатын уақыт үшін ақшасын төлеп, кез келген үстел ойынын таңдауға болады. Егер қандай да бір ойын ерекше қатты ұнап қалса, оны кейіннен сатып алуға болады.

Каркассон (Carcassonne)

«Каркассон» — бұл стратегиялық ойын, мұнда ойыншылар қалаларды, жолдарды, алаңдар мен монастырьларды салып, тайлдарын орналастырып, өздерінің миплдарын (фишкалар) шығарып қояды. Ойынның мақсаты — негізгі аумақтарды ала отырып, мүмкіндігінше көбірек ұпай жинау. Бұл 2-5 ойыншыға арналған тамаша ойын, әрі ол шексіз стратегиялар мүмкіндігін ұсынады.

Ерекшеліктері:

– Қарапайым ереже

– Орналасудың жоғары баламалылығы

– Барлық жастағы адамдар ойнай алады

Отарлаушылар (Catan)

«Отарлаушылар» — бұл дүние жүзіндегі ең танымал үстел ойындарының бірі, бұл жерде ойыншылар ресурстарды пайдалана отырып, елді мекендер, жолдар мен қалаларды салады. Ойында сауда элементтері бар, әрі бұл оны анағұрлым қызықты ете түседі. Бұл 3-4 ойыншыға арналған керемет ойын, алайда бұдан да кеңейтілген құраммен ойнауға әбден болады.

Ерекшеліктері:

– Келіссөз жүргізу дағдыларын дамытады

– Қызықты даму стратегияларға ие

– Енді бастап келе жатқан, сол секілді тәжірибелі ойыншыларға да жарамды

Манчкин

«Манчкин» классикалық рөлдік ойындарға деген пародия болып келеді және ойыншыларды әзілімен, қарапайым ережелер және күтпеген сюжеттік бетбұрыстарымен тартады. Ойынның негізгі мақсаты — басқа ойыншыларға қарағанда оныншы деңгейге тезірек жету, сонымен бірге құбыжықтарды жеңе отырып, қазынаны алу және кейде жеңіс үшін, тіпті, достарыңды да сатуға тура келеді.

Ерекшеліктері:

– Әзіл-оспақ және атмосфера

– Қарапайым ережелер

– Ойынның қарқынды үдерісі

Диксит (Dixit)

«Диксит» — бұл ассоциациялар ойыны, әрі мұнда ойыншылар әңгіме айтушының нұсқауларына сүйене отырып, карталарды табуы керек. Ойындағы әрбір карта әр ойыншының алуан түрлі ассоциацияларын тудыруы мүмкін бірегей және жарқын суреттерге ие.

Ерекшеліктері:

– Қиял мен жасампаздықты керемет дамытады

– Кез келген жастағы компания үшін жарамды

– Бірегей ассоциацияларды ойлап табу мүмкіндігі

Монополия

«Монополия» — бұл ең кеңінен таралған және классикалық үстел ойындарының бірі, бұл жерде ойыншылар жылжымайтын мүлікті сатып алады, сатады және дамытады, әрі нарықтағы монополияға ұмтылады. Ойын қаржылық сауаттылық пен маңызды шешімдерді қабылдауға үйретеді.

Ерекшеліктері:

– Классикалық әрі танымал ойын

– Үлкен компаниялар үшін қолайлы

– Экономика мен стратегиялық ойлау негіздеріне баулиды

Имаджинариум

«Имаджинариум» — бұл ойында сөздер мен ұғымдарды ассоциациялар мен қиялдар арқылы түсіндіру қажет. Ойын ерекше және көңілді хикаяларды құруды жақсы көретін компаниялар үшін өте қолайлы. Бұл ойындағы әрбір қадам күлкі және күтпеген шешімдермен бірге жүретіні сөзсіз.

Ерекшеліктері:

– Жасампаздық қасиеті мен қиялды дамытады

– Кез келген компания үшін жарамды

– Көңілді әрі еркін ойын үдерісі

Компания үшін лайықты ойынды таңдау — бұл барлық қатысушылардың көңіл көтеруі мен осы кездесуді ұзақ уақытқа дейін есте сақтауының кілті. Ойындар адамдардың жақындай түсуіне, сенімділік пен думанды атмосфераның құрылуына көмектеседі, сонымен бірге шығармашылық және логикалық ойлау қабілетін ынталандырады. Келесі жолы достарыңыз немесе әріптестеріңізбен кездескен кезде жоғарыда ұсынылған ойындардың бірін қолданып көріңіз — сонда сіздің бірге өткізген уақытыңыз бұдан да жарқынырақ әрі көңілдірек бола түседі.