Йога: тән, ақыл және рух үйлесіміне апарар жол
Жыл өткен сайын йога кеңінен таралып келеді. Неге? Лайқос йоганың тепе-теңдік пен тыныштыққа қол жеткізуге қалайша көмектесе алатыны мен неліктен оны дәл бүгін байқап көру керектігін анықтады.
Йога дегеніміз не
Йога – бұл Үндістанда осыдан 5 мың жылдан астам уақыт бұрын пайда болған ежелгі практика. Оның философиясы тән, ақыл-ой және рухтың бірігуіне қол жеткізуге бағытталады. Йога физикалық жаттығуларды (асаналар), тыныс алу техникалары (пранаяманы) және медитацияны үйлестіре отырып, адамға ішкі тепе-теңдікті тауып алуға көмектеседі.
Бұл практиканың негізгі үш аспектісі бар:
- Физикалық: денені нығайту және иілгіштікті дамытуға арналған дене қалыптары.
- Менталды: йога стресс деңгейін төмендету мен саналылықты дамытуға септеседі.
- Рухани: ол ішкі өсім мен өзіндік сана-сезімге ықпал етеді.
Йоганың денсаулыққа пайдасы
Йоганың әйелдер үшін пайдасы
Йоганың ер адамдар үшін пайдасы
Йогамен шұғылдана бастаудың жолы
Жаттығуларға дайындық
Йогамен айналысу үшін қолайлы уақытты таңдаңыз – таңертең, яғни, қуат алу мақсатында, не болмаса кешкісін, бойыңызды еркін ұстау үшін. Практикаға арналған кілемшесі бар, әрі көңіліңізді бөлетін факторлары мүмкіндігінше төмендетілген тыныш және кең орынды ұйымдастырып алыңыз. Қажетті құрал-саймандарды дайындап қоюды ұмытпаңыз: кілемше, блоктар, белдіктер немесе жайлылықты арттыру үшін жамылғылар.
Йога бойынша топқа арналған жаттығуларға да барып көруді ұсынамыз: нұсқаушы дене қалыптарын дұрыс орындалуын қадағалауға көмектеседі және сіз үшін қажетті жүктемені таңдап береді.
Кейбір жаттығуларда ән салатын тостағандар пайдаланылады: олар өздерінің дыбыстық вибрацияларының арқасында терең босаңсуға, стресс деңгейін төмендету мен зейін қоюды жақсартуға септігін тигізеді.
Нұсқаушыны таңдау бойынша кеңестер
- Оқытушының біліктілігі мен тәжірибесін тексеріңіз.
- Сынама жаттығуларға қатысып көріңіз, сонда нұсқаушының стилі сіз үшін қолайлы, әлде жоқ па екендігін түсіне аласыз.
- Нұсқаушы сіздің ерекшеліктеріңіз бен қарсы көрсетілімдеріңізді ескеріп отырғанына көз жеткізіңіз.
Жаңадан бастағандарға арналған ұсынымдар
- Тұрақтылық: жаттығуларды аптасына 2–3 рет орындаңыз, әрі жиілікті бірте-бірте ұлғайта беріңіз.
- Қарсы көрсетілімдерді ескеру: дәрігермен ақылдасыңыз, әсіресе, созылмалы аурулар бар болған жағдайда.
- Ширату жаттығулары: денеңізді дайындау үшін анағұрлым жеңіл жаттығулардан бастағаныңыз абзал. Тіпті, кәсіпқойлардың өздерінде де «қыздырылмаған» бұлшықеттердің жаттығуларды орындауы екіталай.
- Пропстар: ыңғайлы болуы үшін және асаналарды дұрыс орындау мақсатында блоктар мен белдіктерді қолданыңыз.
Жаңадан бастағандарға арналған негізгі асаналар
Жиі қойылатын сұрақтар
- Йогамен үй жағдайында айналысуға бола ма?
- Иә, әсіресе, бейнесабақтар немесе жаңадан айналысып бастағандарға арналған нұсқаулықтар қолжетімді болса.
- Диетаны міндетті түрде ұстану керек пе?
- Жоқ, алайда дұрыс тамақтану практиканың нәтижелерін жақсарта түседі.
- Айтарлықтай нәтижеге қол жеткізу үшін йогамен қанша уақыт айналысу қажет?
- Бір ай жүйелі жаттығулардан кейін-ақ иілгіштіктің, дене мүсіні мен көңіл-күйдің жақсарғанын байқауға болады.
Йога – бұл бұлшықеттерді созу мен жан тыныштығын табудың жолы ғана емес, сонымен бірге бұл тыныштанған әрі тыныққан өзіңізге деген тұтас бір саяхат. Мұнда дәл қазір және нақ осы жерде болу маңызды, яғни, кілемшенің үстінде және өмірде. Есіңізде болсын: бастысы – бұл сіздің тұмсығын төмен түсірген ит қалпындағы кейпіңіз емес, бар гәп одан кейін өзіңізді қалай сезінетініңізде жатыр!