Пилатес: денені нығайту және жақсы сезіну – қажытпайтын жаттығу әдісі

Егер сіз дене қалпыңызды жақсартып, бұлшықеттеріңізді нығайтып және икемділікті арттырғыңыз келсе, бірақ жаттығу залы сізге ұнамайтын болса, пилатес – тамаша таңдау. Бұл жаттығу жүйесі күшті, бақылауды және созылуды біріктіріп, денеңізді мықты әрі сау етуге көмектеседі. Пилатес Голливуд жұлдыздары, кеңсе қызметкерлері және тіпті егде жастағы адамдар арасында танымал, себебі оны кез келген деңгейге бейімдеуге болады. Лайқос пилатестің неліктен миллиондаған адамдардың таңдауы екенін, оның ерекшеліктерін және жаттығуды қалай бастауға болатынын анықтады.

Пилатес дегеніміз не?

Пилатес – бұл жаттығулар жүйесі, оны ХХ ғасырдың басында Джозеф Пилатес әзірлеген. Оның басты мақсаты – іш бұлшықеттерін, белді, жамбас түбін нығайту және әдемі дене қалпын қалыптастыру.

Пилатес – бұл денені толық бақылауға бағытталған ерекше жүйе. Йогадан айырмашылығы – ол медитация мен рухани тәжірибелерге емес, қозғалыстардың нақтылығына баса мән береді. Сонымен қатар, ол тек икемділікті дамытуға арналған стречингтен де өзгеше. Пилатес икемділікті күш жаттығуларымен үйлестіріп, денені нығайту мен дамытуға кешенді көзқарас ұсынады.

Пилатестің негізгі қағидалары

1. Концентрация – әр қозғалыс саналы түрде орындалуы керек.
2. Бақылау – қозғалыстардың саны емес, олардың дәлдігі мен үйлесімділігі маңызды.
3. Орталықтандыру – бүкіл күш дененің өзегінен шығады, сондықтан іш бұлшықеттері мен арқа әрдайым белсенді күйде болады.
4. Жұмсақтық – резкі қимылдар жоқ, барлық жаттығулар баяу немесе статикалық түрде орындалады.
5. Дұрыс тыныс алу – бұлшықеттерді дұрыс жұмыс істетуге және денені босаңсытуға көмектесед.
6. Тұрақтылық – кез келген спорт түріндегідей, жүйелілік – негізгі жетістік кілті.

Пилатестің пайдасы мен мүмкін зияны

• Дене қалпын жақсартады және тепе-теңдікті дамытады
• Икемділік пен үйлесімділікті арттырады
• Бұлшықеттерді шамадан тыс жүктемесіз нығайтады
• Арқа мен мойынның кернеуін басады
• Жарақаттан кейінгі қалпына келуге қолайлы.

Пилатес зиян тигізуі мүмкін бе? Барлық артықшылықтарына қарамастан, пилатес жаттығулары дұрыс техникамен орындалуды талап етеді. Егер оған мән берілмесе, омыртқа мен буындарға шамадан тыс жүктеме түсіру қаупі бар. Әсіресе, бел немесе тізе мәселелері бар адамдар сақ болуы керек. Сондықтан жаттығуды бастамас бұрын дәрігермен кеңескен жөн.

Жаңадан бастаушыларға арналған пилатес

Студияға бірден барып, қымбат жабдық сатып алудың қажеті жоқ. Кейбір жаттығулар үшін тек кілемше мен гимнастикалық доп жеткілікті. Бастау үшін негізгі жаттығуларды үйде орындауға болады::

Жүздік – шалқалап жатып, аяқтарыңызды көтеріп, қолдарыңызбен ұсақ серпінді қозғалыстар жасаңыз.

Фото: Shutterstock

Көпір – жамбасыңызды көтеріп, бөксе мен іш бұлшықеттерін іске қосыңыз. Күрделендіру үшін бір аяғыңызды жоғары көтеріңіз.

Фото: Shutterstock

Жүзу – ішіңізбен жатып, қолдарыңыз бен аяқтарыңызды көтеріп, жүзу қозғалыстарын жасаңыз.

Фото: Shutterstock

Дұрыс тыныс алуға назар аудару маңызды: мұрынмен – дем алу, ауызбен – дем шығару. Барлық қозғалыстарды бірқалыпты, секірусіз орындап, дененің ортаңғы бөлігін үнемі белсенді ұстау қажет.

Қарсы көрсетілімдер

• Жүктілік (дәрігердің кеңесінсіз)
• Омыртқаның ауыр жарақаттары
• Грыжа, протрузия, буын мәселелері (сақтықпен орындау қажет)
• Гипертония (қарқынды жаттығулар қан қысымын көтеруі мүмкін)

Егер сізде созылмалы аурулар болса, жаттығуды бастамас бұрын дәрігермен кеңескен дұрыс.

Қорытынды

Пилатес – бұл жай ғана жаттығу емес, өзін жақсы сезінудің, бұлшықеттерді нығайтудың және қозғалыстарды саналы орындаудың тәсілі. Бар болғаны күніне 10 минут бөліп, жақында айнадағы өзгерістерге таң қаласыз!