Қызойнақ және жігіттер болып жиналатын кешке арналған 10 идея

Үйлену тойының алдындағы соңғы сауық кеші – бұл көңіл көтеру мен өмір бойы жүрегіңізде қалатын жарқын естеліктерді қалыптастырудың тамаша себебі. Лайқос қызойнақ пен жігіттер болып жиналатын кешті ерекше атап өтуге көмектесетін 10 идеяны тарту етеді.

1. Тақырыптық кеш

Егер айрықша сауық кешті қалап тұрсаңыз, қандай да бір стильді таңдап алыңыз: «Голливуд», «Казино», «90-ншы жылдар», «Пижамалық кеш» немесе, тіпті, «Хәрри Поттер». Дресс-код пен арнайы безендіру кәдімгі кешті нағыз шоуға айналдыратыны сөзсіз.

2. Табиғат аясына шығу

Кемпинг, глэмпинг немесе қала сыртындағы жайлы үйшік. Барбекю, алау жанындағы үстел ойындары және гитарамен ән айту сырластық пен босаңсу атмосферасын тудырады.

3. Квест немесе escape-room

Шынайы өмірдегі ортақ шытырман оқиға: жұмбақтарды шешу, жабық бөлмеден шығу жолын іздеу немесе сюжеті бар квесттен бірге өту. Кештің адреналин мен күлкіге толы болатынына кепілдік берілген.

4. SPA-қызойнақ немесе жігіттердің моншада бас қосуы

Қызойнақ үшін – массаж, күтім процедуралары мен түрлі коктейльдер ұсынылатын бассейн. Ерлер үшін – монша, емен сыпырғы, дәмді сыра немесе шай. Мұндай демалыс үйлену тойы алдындағы алаңдаушылықты басатыны шүбәсіз.

5. Экстремалды оқиға

Парашютпен секіру, картинг, құзға өрмелеу, арқан саябағына бару. Мұндай формат драйвты жақсы көретіндер мен өзін-өзі сынауға дайын адамдар үшін жарамды.

6. Өшпес классика

Нағыз классика – бұл әртүрлі байқаулар бағдарламасын ұйымдастыру, шоу мен лимузинге тапсырыс беру немесе үйге, әлде жалға алынған орынға стриптиз көрсетуші жігіт/қызды шақыру. Мұндай формат күні бүгінге дейін кеңінен таралған әрі үйленер алдындағы дәстүрлі сауық кешпен байланыстырылып келеді.

7. Шеберлік сабақтар

Аспаздық (мәселен, суши немесе коктейльдерді дайындауды үйрену), би немесе, тіпті, сурет салу бойынша шеберік сабақтар. Қатысушылар өзімен бірге жаңа дағдылар мен көптеген әсерлерді әкететіні анық.

8. Барлар бойынша тур немесе шарап кеші

Ерлер болып жиналатын кешке – классикалық бар-хоппинг, ал қызойнақ үшін сомелье ұсынатын шараптардың немесе коктейльдердің дәмін тату. Бастысы, тепе-теңдікті сақтау және келесі күннің маңыздылығы туралы ұмытпау.

9. Фото- немесе бейнетүсірілім

Фотографты шақырып, жарқын фотосессияны ұйымдастырыңыз. Қыздар мерекесі үшін – романтикалық стильді, ал жігіттер кешіне бруталды бейнені таңдауға болады. Жылдар өте келе бұл суреттер нағыз қазынаға айналары хақ.

10. Шағын саяхат

Демалыс күнгі кішігірім сапар: көрші қала, тау, көл немесе, тіпті, басқа курортқа барып қайту. Бұл қарбалас өмірден көңіл сергіту мен еркіндік пен шытырман оқиғалар атмосферасында уақыт өткізудің мүмкіндігі.

Қорытынды

Қызойнақ немесе жігіттер болып жиналатын сауық кеш – бұл ең жақын адамдарыңызбен бірге уақыт өткізу, босаңсу мен жаңа өмір кезеңіне көшу сәтін атап өтудың керемет мүмкіншілігі. Бұл тұста достар ортасы мен болашақ ерлі-зайыптылардың мінезін бейнелейтін сценарийді таңдауға да болады.