Судағы қауіп: бассейндер мен субұрқақтарда шомылу шын мәнінде несімен қауіпті

Жазда бассейндер мен қалалық субұрқақтар мегаполистің басты «шұратына» айналады. Алайда салқын суға сүңгуден бұрын қауіптерді бағалаған абзал. Мамандар ескертеді: тартып тұратын көгілдір судың айдыны нағыз инфекциялардың, аллергиялар мен жағымсыз жарақаттардың көзі болуы мүмкін. Лайқос суда қандай қауіптер жасырынатыны мен неліктен субұрқақтар – бұл шыжыған ыстықта демалу үшін ең нашар орын екендігін айтып береді.

Неліктен субұрқақтарда шомылу – нашар идея?

Қалалық субұрқақтар шомылуға арналмаған. Әрі мәселе тек тыйым салатын жазуларда ғана емес:

• Тазалаудың жоқтығы. Субұрқақтарда, сол секілді бассейндерде де сүзгілеу мен дезинфекцялау жүйелері жоқ. Бұл жердегі су тұрып қалады, көшедегі шаңды, қоқысты және құстар мен жануарлардың тіршілік өнімдерін белсенді түрде жинайды.
• Техникалық жағдай. Субұрқақтардың тостағаны тайғанақ жұғын, тас немесе металмен жабылады, әрі бұл жерде жарақат алу оңай. Сонымен бірге суда электр жарақатын алу қаупін тудыратын жарықтандыру элементтері мен сорғы жабдықтары жасырынған.

Бассейн: ол әрдайым қауіпсіз бе?

Тіпті, ең заманауи бассейннің өзі зарарсыздықтың кепілі бола алмайды. Адамдар көптеп жиналатын орындарда тазалау жүйелері бар мүмкіндігін пайдаланып жұмыс істейді.

Хлор – панацея емес

Хлор көптеген бактериялармен тиімді түрде күреседі, алайда суды зарарсыз етпейтіні рас. Сонымен қатар хлор органикамен жанасқан кезде (тер, косметика, терінің қабыршақтары) хлораминдер түзіледі. Дәл осы заттар бассейнге тән иісті тудырады, сондай-ақ көзді, тыныс алу жолдарының шырышты қабаттарын тітіркендіреді және теріні құрғатады.

Судан нені жұқтырып алуға болады?

Қоғамдық бассейндегі су жалпы резервуар секілді жұмыс істейді. Санитарлық нормалар бұзылған жағдайда келесілерге тап болу қаупі арта түседі:

• Зең аурулары: көбінесе табан терісі мен тырнақ пластиналарын зақымдайды.
• Конъюнктивит: көздің шырышты қабығының инфекциялық қабынуы.
• Ішек инфекциялары: суды кездейсоқ жұтып қойған кезде пайда болады.
• Дерматиттер: терінің тітіркенуі мен аллергиялық реакциялар.

Теріңізде, тіпті, болмашы жаралар болғанның өзінде, иммунитетіңіз әлсірегенде немесе суда тым көп уақыт өткізгеніңізде қауіп арта түседі.

Қауіп тобында кімдер бар?

Балалар – бассейндерге келушілердің ең осал бөлігі. Олардың терісі нәзік болып келеді, әрі олар суды да жиірек жұтып қояды және тазалық ережелерін әрдайым сақтай бермейді. Сондықтан күмән тудыратын орында, тіпті, қысқа уақыт шомылудың өзі бала үшін ас қорытудың ауыр бұзылысына айналуы әбден мүмкін.

Бассейндегі қауіпсіздіктің 7 ережесі

Жазғы демалыс дәрігердің көмегіне жүгінумен аяқталмасын десеңіз, келесі қарапайым ұсыныстарды сақтаңыз:

1. Себезгі қабылдаңыз. Суға кірместен бұрын әрдайым косметика қалдықтары мен терді жуып кетіріңіз және бассейннен кейін сабынмен мұқият жуыныңыз.
2. Балаңызды бақылаңыз. Балаларға бассейндегі суды мүлдем ішуге болмайтынын түсіндіріп айтыңыз.
3. Жабдықтарды қолданыңыз. Қорғаныс көзілдірігі көзді тітіркену мен инфекциялардан сақтауға көмектеседі.
4. Теріңізді күтіңіз. Егер денеңізде жаралар немесе сызаттар бар болса, жүзуден бас тартқаныңыз абзал.
5. Ауырған кезде бассейнге бармаңыз. Кішкене болса да әлсіздікті сезінсеңіз немесе инфекцияның белгілері анықталса, үйде қалғаныңыз дұрыс.
6. Тексерілген орындарды таңдаңыз. Киім ауыстыратын бөлмелердің тазалығына және хлордың өткір иісінің жоқтығына назар аударыңыз.
7. Ережелерді сақтаңыз. Нысан әкімшілігінің ұйғарымдарын әркез ұстанғаныңыз жөн.

Қорытынды

Қауіпсіздікті тексеруге жұмсайтын бірнеше минутыңыз сізді бірнеше апта бойы емделуден және бүлінген демалыстан сақтайды. Денсаулығыңызды күтіңіз және тек қана тексерілген демалыс орындарын таңдаңыз.