Winter bucket list: қыс аяқталғанша үлгеруіміз керек белсенділіктердің тізімі
Қыс көзді ашып-жұмғанша өтеді де кетеді: үй – жұмыс, жұмыс – үй. Бұл маусымды шынайы сезініп үлгеру үшін Лайқос қыс мезгілінің соңына дейін «Winter bucket list» — яғни үлгеруге тұрарлық белсенділіктер тізімін жинады.
Қысқы орманда серуендеу
Қаланың шуылынан алыстау жерде, тіпті, қысқа серуеннің өзі күйзеліс деңгейін төмендетеді және мазасыз ойлардан арылуға көмектеседі.
Аққала жасау
Бұл бес жастан әлдеқайда үлкен болсаңыз да, өзіңізге бала болуға мүмкіндік беретіндей дәл сол жағдай.
Шаңғы, сырғы тебу немесе төбешіктерден сырғанау
Бұл күнделікті күйбең тіршіліктен сәл көңіл сергітуге, босаңсу мен есіңізде ұзақ уақытқа қалатын шынайы әсерлерге бөленуге көмегін тигізеді.
Монша немесе SPA орталыққа бару
Жылу бұлшықеттерді босаңсытады, қан айналымын жақсартады және маусым ішінде жинақталған шаршағандықтан құтылуға септеседі.
Жаңа жылдық фильмдердің киномарафонын ұйымдастыру
Жамылғы, какао, гирляндалар мен қысқы фильмдердің топтамасы – жайлы кештің мінсіз рецептісі.
Қыста балық аулауға шығу
Глинтвейн қайнату
Біздің рецептіміз бойынша апельсин, даршын және қалампыр қосылған сусынды әзірлеу.
Хоккей ойынын тамашалау
Егер, тіпті, спорт жанкүйері болмасаңыз да, ондағы атмосфера сізді еліктіріп әкететіні сөзсіз: шынайы эмоциялар, нағыз драйв пен трибуналар шуылы.
Үйді жинау мен ескі-құсқыдан құтылу
Қыс – барлық ескі-құсқы заттарды шығарып тастаудың мінсіз уақыты. Ұзақ уақыттан бері қуаныш сыйламайтын нәрселерден құтылып, кеңістікті босатыңыз.
Ыстық бұлақтарға барып қайту
Ашық аспан астында ыстық суда шомылу – рахатқа бөленудің айрықша бір түрі. Қыс маусымындағы демалыстың есте кетпес нұсқаларының бірі.
Театрға бару
Қысқы плейлистті құрастыру
Фрэнк Синатра, ABBA, Элла Фицджеральд пен басқа да жайлы тректерді қосыңыз.
Жаңа жылға мақсаттар тізімін жазу
Оливье дайындау
Классикалық нұсқасын әзірлеу немесе жаңа ингредиенттермен эксперимент жасап көруге болады: жасыл алма немесе голланд ірімшігін қосып көріңіз.
Қысқы фотосессияны ұйымдастыру
Қорытынды
Осы қыста баршаңызға да, мейлі бұл ормандағы серуендер болсын, мейлі сноубордпен сырғанау немесе жамылғы мен ыстық шайы бар жайлы кештер болсын, өзіндік кішігірім қуаныштарды табуға тілектеспіз.