Сауатты айырылысу: қатынастарды сыйластықпен және күйзеліссіз аяқтау

Қазір айырылысу бойынша базалық база болмақ. Бәлкім, кейбір нәрселер айқын болып көрінетін де шығар. Олай болса, сіз – айырылысудан шетін жағдайлардың шеберісіз. Егер олай болмаса, онда саналы қоштасу әлеміне қол келдіңіз!

Айырылысатын кездің келгенін қалай түсінуге болады

• Сіз бақытсызсыз. Егер мағынасыздық сезімі әлдеқашан қалыпты нәрсеге айналса, ал қуаныш сирек сәттерде ғана пайда болса, демек бұл белгі.
• Сіз ұнамсыз жайттарға шыдап келесіз. Жаныңызға бататын түйткіл болса, сізді естімесе, сізге жанды жеріңізге тиетін нәрселер туралы әрдайым түсіндіріп отыру қажет, ал жұбыңыз тек ашуланады да, мүлдем ешнәрсені елемейді.
• Сіз өзіңізге ұқсамайсыз. Ымыра – бұл бір жайт, ал тек өзгенің үмітін ақтаумен әлек болу – бір басқа. Егер сіз қарым-қатынастарда бірте-бірте өзіңіздің қалауларыңыз, әдеттеріңіз, достарыңыздан бас тартсаңыз, онда бұл нағыз қауіп белгісі.
• Сенімнің жойылуы. Қатынастарды қалпына келтіруге тырысуға әбден болады, алайда егер ішіңізден шарасыздықты сезініп жүрсеңіз, демек ақиқатты мойындау қажет.
• Дағдыға айналғандықтан біргесіз. Араңызда ұшқын жоқ, алайда кетіп қалу қорқынышты.

Сөйлесу үшін қолайлы орын мен уақытты таңдаудың жолы

Әңгімені қалай құру керек: айыптаусыз адалдық

Қайда және қашан сөйлескен дұрыс

• Маңызды: жеке кездесу, тыныш орта.
• Маңызды емес: «мінсіз сәтті» күту – мұндай сәт болмайды.

Тура, дегенмен жұмсақ түрде айтудың жолы?

• «Мен бұл туралы ұзақ уақыт ойландым және айырылысқанымыз дұрыс болатынын түсіндім
• «Маған арамызда… (не нәрсенің жетіспегенін сабырлықпен түсінідіріңіз) болғаны маңызды».
• «Мен екеумізді де бақытты етпейтін қарым-қатынастарда уақытты босқа жоғалтқанымызды қаламаймын».

Айырылысқан кезде сыйластық пен эмоционалды тепе-теңдікті сақтап қалудың амалы

• Эмоциялар кезінде әрекет жасамаңыз. Ашулана отырып, жазбаңыз, қызулықпен нөмірлерді бұғаттамаңыз, адамды әп сәтте «өшіріп тастамаңыз».
• Сөзіңізге ие болыңыз. Айырылысу – бұл соңғы соққыны жасауды талап ететін шайқас емес.
• Әңгімені созбаңыз. Ақталу мен түсіндіру неғұрлым көп болса, айырылысу да соғұрлым қиынға соқпақ. Кейде қысқа да нұсқа айтқан әлдеқайда жақсырақ.
• Жұбыңыз «уытты» болса, ең ақырына дейін сөйлесудің қажеті жоқ. Бұл жағдайда жай ғана кетіп қалған жөн.

Қиын әңгіме алдында саябырланудың жолы

• Терең тыныс алып, 4-ке дейін санаңыз, іркіліс жасап, 2-ге дейін санаңыз, 6-ға дейін деміңізді баяу шығарыңыз. 3-5 рет қайталаңыз.
•  «Қорапты тыныс алу» техникасы: 4 секунд демді ішке тарту – 4 іркіліс – 4 дем шығару – 4 қайтадан тыныс алудағы іркіліс.
• Егер бойыңызды үрей билесе, көңіліңізді ойларыңыздан денеге ауыстырыңыз: киімнің теріңізге жанасқанын сезініңіз, айналадағы дыбыстарды тыңдаңыз, алдыңызда нені көріп тұрғаныңызға зер салыңыз.

Айырылысқаннан кейін не істеу керек: тынығып алыңыз

Алғашқы күндерді бастан өткеру

• Өткенді дәріптемеңіз. Неліктен қатынастар жүзеге аспағанын жазып алыңыз, жабырқаған сәтте жазғаныңызды қайта-қайта оқыңыз.
• Әлеуметтік желідегі байланысты шектеңіз. Бұрыңғы қыз/жігітіңіздің парақшасын қадағалап отырудың қажеті жоқ.
• «Кездейсоқ» хабарламаларды жазбаңыз. Егер «оның жағдайы қалай екенін» тексергіңіз келсе, демек сіз әлі жаңа күйге үйренбеген боларсыз.

Мағынасыздықты немен толтыруға болады

• Жаңа ермек істер. Кейінге қалдырып жүрген нәрселердің барлығы: би, кітаптар, хоббихорсинг – ойларыңызды басқа арнаға бұру үшін кез келген нәрсе жарамды.
• Достар мен жаңа таныстықтар. Тұйықталып қалмаңыз, бір нәрсеге қадалмаңыз.
• Өзіңізге көңіл бөліңіз. Осы қатынастарға дейін қандай тілектеріңіз бен мақсаттарыңыздың болғанын есіңізге түсіріңіз. Енді өзіңізге арнайтын уақытыңыз жеткілікті болмақ.

Қорытынды

Қарым-қатынастардан кейінгі өмір – бұл шарасыздық емес, бұл оны қандай да бір жаңашылдықтармен толтыру мүмкіндігі. Бар гәп сіздің әрі қарай қозғалуға дайындығыңызда немесе өткенге қадалып қалатыныңызда жатыр.