Жаңа жылдық уәделер: жаңа пайдалы әдеттерді қалыптастыру және мақсаттарға жетудің жолы

Жаңа жыл – барлық адамдардың өзгерістер мен ғажайыптардың орындалуын күтетін кезі. Күтпеңіз – ғажайыпты өзіңіз жасаңыз! Лайқос келесі жылды уәделердің көмегімен сиқырлы жылға қалай айналдыруға болатынын анықтауға бел буды.

Неліктен біз жаңа жылдық уәделерді береміз?

Жаңа жылдық уәделерді беру ежелден-ақ келе жатқан дәстүр. Осыдан шамамен 4 мың жыл бұрын вавилондықтар қарызға алған заттарын қайтару және өздерін лайықты ұстауға уәде етіп, құдайларына ант беретін еді. Ежелгі Римде мұндай серт беру Янусқа – ауысу мен бастамалар құдайына арналатын. Ал қазіргі уақытта адамдар уәдені өз-өзіне береді: спортпен шұғылдана бастау, жаман әдеттерден құтылу, серіктесімен тіл табысу.

Жаңа жылдық уәделер қаншалықты жиі орындалады?

Шынайы құлшынысқа қарамастан, зерттеулер көрсетіп отырғандай, жаңа жылдық уәделердің шамамен 80% ақпан айының басында-ақ бұзылады. Көбіне-көп бұл мақсаттардың дұрыс таңдалмауы немесе нағыз мотивацияның жоқтығымен байланыстырылады. Тыныштық сақтаңыз! Қателіктерге жол бермеуге болады. Бұл жерде тек себептерді анықтап алған маңызды.

Уәделер неге орындалмайды?

• Шынайылыққа жанаспайтын мақсаттар. Және үміттердің тым көтеріңкі болуы. Мәселен, «бір айда 10 келі салмақ тастау» немесе «күн сайын спортпен айналысу» секілді міндеттер мүлдем реалисттік емес, сондықтан оларды орындауға тырысқан кезде адам қалжырайды да, кез келген талпыныстардан бас тартады.
• Жоспар мен бақылау жүйесінің жоқтығы. Кез келген мақсат нақты жоспарды қажет етеді. Онсыз адам мақсатына жету жолындағы мотивациясын жылдам жоғалтады.

Жаңа жылдық уәделерді дұрыс таңдаудың жолы

Шынайылық

Ақылға қонымды мерзім ішінде қол жеткізуге болатын жаңа жылға арналған мақсаттарды таңдаңыз. Мәселен, «тамақтануды толықтай өзгерту» дегеннің орнына жұмыс күндері тәттілерден бас тартыңыз да, алайда әзірге демалыс күндерінде тәттілерді жеуді қалдырыңыз.

Жеке құндылықтар

Сән, әлеуметтік конструкт, басқалардың тарапынан артылатын үміт тұрғысынан мәжбүрленген өзге біреудің мақсаты жеке мақсат сияқты қызықты болмасы айқын. Егер сіз отырып тұру жаттығуларын мың рет орындаудың орнына тоқуды үйренгіңіз келсе, соңғысын таңдағаныңыз абзал.

Өлшемділік

Нақты әрі өлшеуге келетін мақсаттарды қадағалау да әлдеқайда жеңілірек. «Көбірек оқу» дегеннен гөрі «айына бір кітап оқу» мақсатын қойыңыз.

Қолжеткізушілік

Бойыңызда қажетті ресурстар мен берілген уәдеңізді орындауға уақытыңыздың бар екендігіне көз жеткізіңіз. Мысалы, егер сіз спортпен шұғылдануды қаласаңыз, онда қай жерде және қашан жаттығатыныңызды ойластырыңыз.

Уәделерді қалай орындауға болады

• Мақсаттарды кішкентай қадамдарға бөліңіз. Үлкен мақсат қорқынышты көрінуі мүмкін. «Марафонды жүгіріп өту» – бұл қиын. Мұны кезеңдерге бөліңіз: аптасына екі рет жүгіруден бастаңыз, ал кейіннен жиілікті арттырыңыз.
• Жақындарыңыздың қолдауына жүгініңіз. Оларға өз жоспарларыңыз туралы айтып беріңіз. Бұл, біріншіден, сіз үшін қосымша жауапкершілік болмақ, ал екіншіден, бұл ақылақтық қолдауға айналары шүбәсіз. Бәлкім, әлдебіреу жүгіру жаттығуларыңызға немесе тоқу бойынша курстарыңызға қосылатын да шығар.
• Ілгерілікті бақылауға арналған құралдарды қолданыңыз. Міндеттердің орындалуын бақылауға көмектесе алатын сан алуан мобильді қосымшалар баршылық. Мәселен, әдеттерді қадағалауға арналған қосымшалар ілгерілікті визуализациялайды және әрі қарай қозғалуға ынталандыра түседі.

Әдеттер, қоғам, денсаулық

Жаңа жылдық уәделер арқасында қалыптасатын әдеттер сіздің өміріңізге ғана емес, сонымен бірге айналадағы адамдарға да жағымды әсерін тигізуі әбден мүмкін. Мәселен:

Денсаулыққа қамқорлық таныту. Спортпен тұрақты түрде айналысу немесе жаман әдеттерден бас тарту жалпы хал-жайыңызды жақсартады және аурулар қаупін төмендетеді.

Экологиялық сана. Пластикті пайдалануды қысқарту қоршаған ортаны қорғауға көмектеседі.

Тұлғалық өсу. Тұрақты түрде пайдалы немесе көңіл көтеретін кітаптарды оқу, жаңа тілді меңгеру немесе басқа да дағдыларды дамыту өз-өзіңізге деген сенімділікті арттырады.

Қорытынды

Жаңа жыл – өзіңізді өзгертудің керемет мүмкіндігі болып келеді. Алайда берілген уәделеріңіздің шынайылыққа ұласуын қаласаңыз, мақсаттарды дұрыс  қойыңыз, оларды бөліктерге бөліңіз, әрі ілгерілікті бақылап отырыңыз. Сәттілікке қол жеткізу – бұл бірден болатын нәтиже емес, бұл уақыт пен күш-жігерді талап ететін үдеріс екендігін қаперіңізден шығармаңыз. Дұрыс стратегия мен қолдаудың арқасында сіздер пайдалы әдеттерді қалыптастырып қана қоймай, сондай-ақ уәдеңізде тұрып, әр жаңа жыл сайын өміріңізді жақсартатын боласыз.