Жаңадан келген ересектерге арналған жекпе-жек түрлері: өз жолыңды қалай табуға болады

Сіз көптен бері өз күшіңізді жауынгерлік өнерде сынап көруді қалайсыз, алайда сізді осыған дейін бұл жасыңызға немесе дайындық деңгейіңізге сай келмейді деген ой тоқтатып тұрды ма? Ересек адамдардың көбі қандай да бір жекпе-жек түрімен айналысуды бастау жайында ойлайды да, бірақ стильдердің көптігінен сасып қалады. Неден бастау керек және таңдау жасағанда қателесіп қалмаудың жолы қандай? Лайқос бағыттарды салыстыру мен өзіңізге жарамды мінсіз жекпе-жекті саналы түрде іздестіруге көмектеседі.

1 қадам. «Не үшін?» сұрағына шынайы жауап беріңіз

Алғашқы және ең маңызды қадам – өзіңіздің мотивацияңызды түсіну. Бастамаңыздағы жетістіктің 80% осыған байланысты болады.

• Көшеде өз-өзіңізді қорғау мақсатында: бұл тұста қолайлы, жылдам әрі тиімді техникаларды таңдау қажет. Шарттылықтары барынша аз қолданбалы жүйелерді іздеңіз.
• Мықты физикалық форма үшін: егер сіздің мақсатыңыз – артық салмақтан арылу, күштірек болу және төзімділікті арттыру болса, қарқынды соққы стильдеріне көңіл бөліңіз.
• Пәлсапа мен рухани даму үшін: кейбір түрлері – бұл әшейін жекпе-жек емес, бұл техниканың санамен жұмыс істеумен қатар жүретін тұтас бір дүниетаным.
• Спортқа деген құмарлықтан: егер сіз сайыстарға атсалысу мен медальдарға ие болуды аңсап жүрсеңіз, онда сіздің жолыңыз олимпиадалық немесе спорттық лигасы дамыған түрлері арқылы жатыр.
• Стрестен құтылу мақсатында: жиналып қалған алаңдаушылықты шығарып тастаудың соққы техникасы бойынша қарқынды жаттығуды өткізуден артық тәсілі жоқ.

2 қадам. Жаңадан келгендерге арналған жекпе-жектер бойынша қысқаша гид

Жекпе-жекпен шұғылданғысы келетін ересектерге арналған танымал әрі қолжетімді түрлері мыналар.

Бразилиялық джиу-джитсу (BJJ)

Мағынасы: партертегі күрес, бұл жерде ең бастысы, күш емес, техника маңызды. Ауырту мен қылғындыру тәсілдері қолданылады.

Жаңадан бастаушы үшін артықшылықтары: басқа соққы тию қаупі барынша аз болып келеді. Шахмат секілді стратегиялық ойлауды дамытады. Кез келген дене бітіміне жарамды.

Бокс

Мағынасы: соққы өнерінің классикасы. Қолмен жұмыс істеу, қозғалыс, қорғаныс.

Жаңадан бастаушы үшін артықшылықтары: нағыз фантастикалық кардиожүктеме, жылдамдықты, реакцияны және төзімділікті дамытады. Техника базалық деңгейде меңгеру үшін салыстырмалы түрде қарапайым болып келеді.

Дзюдо

Мағынасы: тік тұрып лақтыру және күрес бойынша жапондық өнер. Қарсыластың күші мен импульсін өзіне қарсы қолданады.

Жаңадан бастаушы үшін артықшылықтары: функционалдық күш, ептілік пен қауіпсіз құлай білуді дамытады. Соққы техникасына көңілдің аз бөлінуі арқасында ол жаңадан бастаушылар үшін жарақат алу қаупі тұрғысынан тартымды.

Крав-мага

Мағынасы: өзін-өзі қорғаудың қолданбалы израильдік жүйесі. Бұл жерде ешқандай ереже жоқ, тек қарсыласты зиян келтірмейтіндей ету мақсаты ғана бар.

Жаңадан бастаушы үшін артықшылықтары: шынайы өмір үшін барынша қолайлы.

Муай-тай

Мағынасы: жұдырықты, шынтақты, тізе мен сирақты пайдалану. Ең тиімді соққы беру стильдерінің бірі болып есептеледі.

Жаңадан бастаушы үшін артықшылықтары: соққы техникасын жан-жақты дамыту, ерекше функционалдылық пен күшті физикалық дайындық.

3 қадам. Таңдау мен бастау бойынша практикалық кеңестер

Сіз бағыт бойынша таңдау жасадыңыз, енді практикалық қадамдар үшін уақыт келді.

• Дәрігердің кеңесін алыңыз. Соның ішінде сізде ескі жарақаттар немесе созылмалы ауруларыңыз бар болса маманға барғаныңыз абзал.
• Жаттықтырушы стильден маңыздырақ. Тәлімгердің тұлғасы – негізгі фактор. Ол чемпиондарды балалық шақтан ғана дайындайтын емес, жаңадан келген ересек адамдармен де жұмыс істей білетін өз ісінің шебері болуы тиіс.
• Залдағы атмосфераны бағалаңыз. Сынама сабаққа барып көріңіз. Өзіңізді ол жерде жайлы сезінесіз бе? Үлкен шәкірттер көмектесуге дайын ба? Достық атмосферасы – сіздің қайта оралуды қалайтыныңыздың кепілі болары сөзсіз.
• Өз жасыңыздан қорықпаңыз. Жекпе-жекпен шұғылдануды енді бастағысы келетін ересектерге арналған күрес түрін іздеп жүргеніңізді есіңізден шығармаңыз. Адекватты жаттықтырушы сіздің формаңызға сәйкес келетін жүктемені береді.
• Кішкентай нәрседен бастаңыз. Барлығын бірден меңгеруге тырыспаңыз. Сіздің алғашқы айларға деген мақсатыңыз – негізгі тезниканы игеру мен жүктемеге үйрену.

Бастысы – бастап кету

Жаңадан келген ересектерге арналған мінсіз жекпе-жек түрлері – бұл сізге рахат сыйлайтын және пайда әкелетін түрлері. Өзіңізге қолайлы стильді табудың ең жақсы жолы – әртүрлі мектептердегі алғашқы сынама жаттығуларға қатысу. Татами үстіндегі ең тұңғыш қадам толғандырғыш келеді, дегенмен дәл осы қадам жаңа жетістіктерге, өз-өзіңізге сенімді болу мен пікірлестердің қызықты қауымдастығына деген жолды ашады