Жаттығудан кейін қалыпқа келуге арналған 5 пайдалы қазақстандық өнім

Қарқынды жаттығулардан кейін адам ағзасына күш-қуатты, энергия қоры мен маңызды микроэлементтерді жылдам қалпына келтіру қажет. Лайқос үйреншікті банандар мен протеинге толы батончиктердің орнына дәстүрлі қазақ өнімдеріне көңіл аударуды ұсынады – олар бір уақытта әрі дәмді, әрі функционалды болып келеді.

Шұбат

Шұбат, не болмаса ферменттелген түйе сүті өзінің құрамындағы пробиотиктер, ақуыздар мен В тобына жататын дәрумендерімен құнды. Физикалық жүктемеден кейін ол су-тұз теңгерімін жұмсақ түрде қалпына келтіруге, иммундық жүйені нығайту мен асқорыту үдерісін жақсартуға септігін тигізеді, осының арқасында басқа азық-түліктерден алынатын нәрлі заттектер ағзаға әлдеқайда тиімдірек сіңеді.

Қалпына келу үдерісі жайлы өтуі үшін жаттығуларды орындап болғаннан кейін әдетте шамамен 200-300 мл шұбат ішкен жеткілікті.

Қойдың бауыр еті

Қойдың бауыры ең құнарлы көжелік өнімдердің бірі болып саналады. Оның құрамы темірге, А дәрумені мен толыққанды ақуызға бай, сондықтан ол күштік жаттығулардан кейін гемоглобин деңгейін қалпына келтіруге, бұлшықеттерге оттегінің жеткізілуін жақсарту мен шаршағандық пен әлсіздік сезімдерін басуға көмектеседі.

Аптасына бір-екі рет тұтынылатын бұқтырылған немесе буға піскен түрдегі бауыр етінің кішігірім порциясы күш-қуат пен қан денсаулығына қолдау танытудың жақсы тәсілі болмақ.

Жылқы еті

Жылқының еті құрамындағы майдың аздығымен және жеңіл сіңетін ақуыздың жоғары деңгейімен ерекшеленеді. Осының арқасында ет жаттығулардан кейін қалыпқа келуге жарамды, бұлшықет талшықтарының өсуі мен регенерациясына септеседі, ас қорыту үдерісіне артық салмақ түсірмейді және ас үлесіне бірқалыпты май мөлшерімен жақсы үйлеседі.

Дайындаудың ең ұтымды нұсқасы – тұмшапеште пісіру немесе көкөністермен бірге буға пісіру, бұл өнімнің тағамдық құндылығын сақтауға мүмкіндік береді.

Өрік

Өріктің құрамында калийдің жоғары мөлшері бар екендігі белгілі – бұл минерал бұлшықет пен жүйке жүйесінің жұмысы үшін ерекше маңызды. Қарқынды жаттығулардан кейін ол түйілу қаупін төмендетуге көмектеседі, электролиттер тепе-теңдігін сақтайды және жүрек-қан тамырларының жүйесіне жағымды әсер етеді.

Өрікті йогуртқа, ботқаға қосу ыңғайлы немесе физикалық жүктемеден кейін жүрек жалғау үшін бір уысын жеуге болады.

Арпа

Арпа күрделі көмірсулар мен тағамдық талшықтар көзіне жатқызылады. Ол бұлшықеттердегі гликоген қорын қалпына келтіруге септігін тигізеді, күні бойы энергияның анағұрлым тұрақты деңгейін қамтамасыз етеді және асқазан-ішек жолының жұмысын қолдайды.

Кептірілген жемістер мен жаңғақтар қосылған суға немесе сүтке пісірілген арпа ботқасы жаттығуларды орындағаннан кейінгі ас қабылдаудың нағыз теңдестірілген нұсқасы бола алады.

Қорытынды

Үйреншікті қазақ тағамдары бұлшықеттерге әлдеқайда жылдамырақ қалыпқа келуге көмектеседі, иммунитетті нығайтады және шаршағандық пен сіңір түйілуінің алдын алады. Оларды ас үлесіне қосыңыз – әрі жаттығуларыңыз айтарлықтай тиімді бола түседі.