Баурсақ: дәстүрлі тағамның үздік рецепттері
Көз алдыңызға елестетіп көріңізші: құлқын сәрі, күн шуағын шашып бастады, ал дастарханыңызда – тау боп үйілген бауырсақ. Үлпілдеген жұмсақ бауырсақ өзіне тартып тұрады, ал хош иісіне төтеп беру, тіпті, мүмкін емес. Бауырсаққа қолыңызды созып едіңіз, саусағыңыздың ұшы күйіп барады, алайда сіз оны бәрібір қолыңыздан тастамайсыз. Әр үзімі – жаныңызға жылу беретін кішкентай мейрам сияқты.
Бауырсақ пісіру дәстүрі ұрпақтан ұрпаққа жалғасып келеді, әрі бұл тұста әлдебір ерекше жайт бар: әжелер тура өз қолымен махаббат пен қамқорлық сыйлайтындай сезімде боласыз.
Бауырсақ қашан және қалай пайда болды
Жалпы бауырсақ қазақтың жерінде қонақжайлық пен молшылықтың нышаны ретінде пайда болған. Бұл тағамды мерекелер мен маңызды оқиғаларға орай пісіретін еді, осылайша шаңырақтың иесі өз жомарттығын танытқан болатын. Аңыз бойынша бауырсақтың пішіні күнге ұқсас келеді және шаңыраққа жылу мен бақ әкеледі.
Классикалық бауырсақтың рецепті
Қамырды илеңіз
Қант қосылған жылы сүтке ашытқыны салыңыз. Жұмыртқа, тұз, содан кейін біртіндеп ұнды қосыңыз. Қамырды жұмсақ, әрі созылғыш етіп илеңіз.
Дайындалуы
Қамырдың бетін сүлгімен жауып қойып, көтерілгенше дейін, 1-1,5 сағатқа жылы жерге қою керек.
Бауырсақ жасаймыз
Қамырды тағы бір илеп жіберіп, қалыңдығы 1-2 см болатындай етіп жайыңыз. Төрт бұрыш түрінде кесіңіз.
Қуырамыз
Майды терең таба немесе қазанға құйып қыздырыңыз. Бауырсақты қазанға салыңыз, екі жағы біркелкі қызарғанша дейін қуырыңыз.
Дастарханға қоямыз
Дайын бауырсақты қағаз майлыққа қойып, артық майдан арыламыз. Ыстықтай күйінде ұсыныңыз.
Пайдалы кеңестер
- Бауырсағыңыз үлпілдек болсын десеңіз, қамыр жұмсақ болуы керек, дегенмен қолға жабыспауы тиіс.
- Майдың оңтайлы температурасы – 170-180°C. Егер ол тым қатты қызса, бауырсақтың сырты күйіп кетеді де, ал іші шикі болып қалады.
- Бір қуырғанда бауырсақты тым көп салмағаныңыз абзал, өйткені май суитын болады.
- Бауырсаққа жеңіл хош иіс беру үшін қамырға аздап ваниль немесе үгітілген цедраны қосып көріңіз.
Айран қосылған бауырсақ
Дайындалуы:
- Жұмыртқаға қант пен тұз қосып араластырыңыз, айран мен соданы қосыңыз.
- Бірте-бірте ұн сеуіп, қамырды жұмсақ етіп илеңіз.
- Қамырды қалыңдығы 1-2 см болатындай етіп жайыңыз және төрт бұрышты пішінге келтіріп кесіңіз.
- Ыстық майға қызарғанша дейін қуырыңыз.
Қуырудан бұрын майды жақсылап қыздырып алыңыз, сонда бауырсағыңыз майды көп сіңірмейтін болады.
Ашытқы қосылған бауырсақ
Дайындалуы:
- Ашытқыны қант қосылған жылы сүтке салыңыз да, 10 минутқа қалдыра тұрыңыз.
- Жұмыртқа, тұз және ұнды қосыңыз. Қамырды илеңіз де, көтерілуі үшін оны бір сағатқа қалдырыңыз.
- Қамырды тағы бір илеп жіберіп, бөлшектерге бөліңіз және қызарғанша дейін майға қуырып алыңыз.
Жұмсақ әрі үлпілдек болсын десеңіз, қамырды екі рет илеңіз, әр илеген сайын көтерілуіне уақыт беріңіз.
Қорытынды
Асықпағаныңыз абзал – мұнда әрбір минут маңызды. Егер қандай да бір нәрсе дұрыс болмаса, уайымдамаңыз – тіпті, сәтсіз шыққан бауырсақтың өзі де сізді мінсіз бауырсаққа бір қадам жақындататыны рас. Әйткенмен, ең бастысы, табақтағы тағам емес, бұл тұста сіздің сүйіспеншілікпен, сабырлықпен және шын көңілмен дайындайтыныңыз маңызды. Өйткені дәл осы үдеріс барысында, осындай кішігірім қуаныштарда нағыз сиқырдың жасырынып тұратыны анық.