Ферменттелген өнімдер: пайдасы мен рецепттері

Ферменттелген өнімдер – бұл бүгінде танымалдылығының шарықтау шегіне қайтадан жетіп отырған мыңжылдық тарихы бар тамақ. Ашытылған қырыққабаттан бастап кимчи мен айранға дейін – бұл тағамдар дәмді ғана емес, сондай-ақ денсаулық үшін аса пайдалы. Лайқос дәмді мәліметтермен бөліседі.

Ферменттеу дегеніміз не

Ферменттеу – бұл микроағзалар (бактериялар мен ашытқылар) қанттарды қышқылға немесе спиртке айналдыратын үдеріс. Нәтижесінде өнімдер ерекше дәмге ие болады, жақсы сақталады және пайдалы заттарға бай болып келеді.

Шын мәнісінде бұл табиғи консервация. Біздің ата-бабаларымыз ферментацияны түсім мен сүт өнімдерін сақтау мақсатында қолданған, ал қазіргі заманғы ғылым келесі жайтты дәлелдеп отыр: дайындаудың мұндай тәсілі адам ағзасына үлкен пайдасын тигізеді.

Ферменттелген өнімдер несімен пайдалы

1. Ішек денсаулығы. Ферменттелген өнімдердің құрамы пробиотиктерге бай – бұл «тілекші» бактериялар, әрі олар микрофлораның тепе-теңдігін сақтауға көмектеседі. Ал бұл мықты иммунитетпен, жақсы ас қорыту және, тіпті, көтеріңкі көңіл-күймен тікелей байланысты.
2. Қоректік заттар жеңілірек сіңеді. Ферменттеу кезінде кейбір антиқоректік қосылыстар бұзылады, сол себептен дәрумендер мен минералдар ағза үшін анағұрлым қолжетімді бола түседі.
3. Иммунитетті қолдау. Иммундық жүйе жасушаларының 70% ішекте орналасқан. Микрофлора қалыпты болғанда ағзаға инфекциялар мен қабынулардан қорғалу әлдеқайда жеңілірек.
4. Созылмалы аурулар қаупінің төмендеуі. Зерттеулер көрсетіп отырғандай, ферменттелген өнімдерді тұрақты түрде тұтынып отыру семіздіктің, қан диабеті мен жүрек-қан тамырлары ауруларының даму қаупін төмендетеді.
5. Табиғи дәм мен қоспалардың барынша аздығы. Өнеркәсіптік консервілеумен салыстырғанда бұл жерде жасанды консерванттар мен хош иістендіргіштер керек емес.

Қандай өнімдерді ферменттеуге болады

• Көкөніс: қырыққабат, қияр, сәбіз, қызылша, шалғам.
• Сүт өнімдері: айран, йогурт, қатық.
• Соя өнімдері: мисо, соя тұздығы, темпе.
• Астық және бұршақ тұқымдастар: нанға арналған ашытқы, ферменттелген ботқалар.
• Жеміс пен сусындар: квас, комбуча.

Үйге аналған қарапайым рецепттер

Ашытылған қырыққабат

Ингредиенттер:

• 1 орташа қырыққабат қауданы
• 1 cәбіз
• 1 ас қ. тұз

Қалай дайындау керек

Қырыққабатты тураңыз да, сәбізді үккіштен өткізіп, тұзбен араластырыңыз және шырыны бөлінгенше қолыңызбен жақсылап езіңіз. Банкінің ішіне сұйықтығы көкөністерді жауып тұратындай етіп тығыздаңыз. Қақпақ немесе дәкемен жауып қойыңыз және бөлме температурасында 2-3 күнге қалдыра тұрыңыз. Содан кейін тоңазытқышта сақтаңыз.

Қолдың айраны

Ингредиенттер:

• 1 л сүт
• ашытқы немесе дайын айран саңырауқұлақшалары

Қалай дайындау керек

Сүт жылығанша дейін қыздырыңыз, ашытқы қосыңыз да, 8-12 сағатқа жылы жерде қалдырыңыз. Масса қоюланған кезде оны тоңазытқышқа салыңыз.

Жылдам жасалатын кимчи

Ингредиенттер:

• 1 қаудан – пекин қырыққабаты
• 2-3 тіс – сарымсақ
• 1 дана – сәбіз
• 1 ас қ. – соя тұздығы
• қалауыңыз бойынша – ащы бұрыш

Қалай дайындау керек

Қырыққабатты бірнеше бөліктерге бөліп, сәбізді үккіштен өткізіңіз. Сарымсақпен, бұрыш және соя тұздығымен араластырыңыз. Банкіге тығыздаңыз да, бір тәулікке бөлме температурасында қалдырып қойыңыз, кейін тоңазытқышта сақтаңыз.

Қорытынды

Ферменттелген өнімдер – бұл ішек денсаулығын нығайтудың, иммунитетті нығайту мен ас үлесін түрлендірудің дәмді тәсілі. Оларды дұрыс дайындаңыз және тамақтануыңызға жиірек қосып отырыңыз.