Тамақтануды жоспарлау: уақыт, ақша мен жүйкені үнемдеудің жолы

Күн сайын – қайталанатын жайт: кешкі асқа не дайындасам екен? Тамақтануды жоспарлау өмірді жеңілдетеді, үнемдеуге мүмкіндік береді, анағұрлым салауатты тамақтануға септеседі. Лайқос теңдестірілген мәзірді бір аптаға қалай құру керектігін анықтап білді.

Мәзірді бір аптаға жоспарлаудың артықшылықтары

Уақыт пен ақшаны үнемдеу. Сіз қандай тамақ дауындауды және қандай азық-түліктің керектігін нақты біліп отырасыз, әрі күнделікті дүкенге баруға уақытыңызды жұмсамайсыз. Серпінді түрде сатып алулар азаяды. Ал егер тамақты бірден бірнеше күнге әзірлеп қойсаңыз, онда асүйде де уақытты азырақ өткізетін боласыз.

Дерек: Соңғы зерттеулердің нәтижесіне сәйкес, нашар жоспарлаудың салдарынан азық-түліктің 40% қоқысқа лақтырылады екен.

Тамақтанудың сапасын жақсарту және калорияларды қадағалау. Сіз алдын ала пайдалы тағамдарды таңдайсыз да, кенет әрі зиянды аздап әлденуден аулақ боласыз. Ақуыздар, майлар мен көмірсулар тепе-теңдігін қадағалау жеңіл бола түседі, сонымен бірге фастфудқа тапсырыс беру немесе жылдам әрі онша пайдалы емес тамақты дайындау жағдайлары сирейді.

Тағамдарды таңдаған кезде күйзелістің төмендеуі. Барлығы да алдын ала ойластырылған кезде тағамдар қайталанбайды, ал азық-түлік нақты тамақ түрі үшін сатып алынады және бұзылып кетіп, қоқысқа кетпейді.

Бір аптаға теңгерімді мәзірді құрудың жолы

• Алуандық – ақуыз (ет, балық, өсімдік көздері), көмірсулар (ботқалар, көкөніс, нан) және майлардың (жаңғақтар, майлар) түрлерін кезектестіріңіз.
• АМК тепе-теңдігі – әрбір ас қабылдаған сайын ақуыздар, майлар және көмірсулардың болғанын қадағалаңыз.
• Маусымдық өнімдер – пайдалы және қымбат емес.

Мәзірді негізгі ас қабылдау мен әлденіп алу уақыттарына бөліңіз: таңғы астар тойымды, дегенмен жеңіл, түскі астар – ақуыздар мен күрделі көмірсуларға қанық, кешкі астар – жеңіл, алайда нәрлі болуы тиіс. Жүрек жалғау үшін жаңғақтар, жемістер, йогурттар, батончиктерді алғаныңыз дұрыс.

Азық-түлікті қалай сатып алу керек

• Тізімді алдын ала жазыңыз – бұл ақшаны артық жұмсап қоюдан сақтайды.
• Азық-түлік бүлінбесін десеңіз, оны 3-4 күнге жететіндей етіп алыңыз.
• Қарныңыз аш болғанда дүкенге бармаңыз – әйтпесе керексіз заттарды сатып алатыныңыз сөзсіз.

Бір аптаға арналған мәзірдің мысалы

Кез келген тамақтану стиліне бейімдеуге болады: классикалық, вегетариандық, төмен көмірсулы.

Кеңес: егер күн сайын тамақ әзірлеуге уақытыңыз болмаса, тағамдарды партиялармен дайындаңыз да, қатырып сақтаңыз.

Тамақты дайындау мен сақтау бойынша пайдалы кеңестер

Негізгі ингредиенттерді алдын ала дайындап қоюға болады: жармаларды пісіріп алу, көкөністерді турау, етті дайындау. Оларды контейнерлер немесе порциялық қаптамаларда сақтаған ыңғайлы, ал кейбір дайындамаларды қатырып қоюға болады.

Ет пен балықты мұздатқышқа, көкөніс пен көк шөпті – дымқыл сүлгімен бірге контейнерге, ал жаңғақтар, жармалар мен дәмдеуштерді қымтақты банкалардың ішінде сақтаған абзал.

Қорытынды

Тамақтануды жоспарлау үнемдеуге, тоңазытқыштағы хаосқа жол бермеуге, денсаулықты қадағалау мен алуан түрлі тамақтан ләззатқа бөленуге көмектеседі.

Эксперимент жасаңыз – бір аптаға арналған мәзірді құрыңыз және дүкенге қайта-қайта бармай-ақ өмір сүріп көріңіз. Сіз осының қаншалықты ыңғайлы және тиімді екенін бағалайтын боласыз!