Аяз Атадан аяу-рақым сұрайық Айсұлу Әзімбаева, Әсел Баяндарова және Сергей Мазур Жаңа жылды қалай қарсы алады?
«Өзіңізді алдауды тоқтатыңыз. Бірден қасықтың үлкенін алған жөн» – актриса, биохакер және шаралар жүргізушісі YouTube-арнасындағы жаңа видеода.
Қаз-қатар келген қысқы мейрамдар зиянын қалай азайтуға болады? Бұл жолда 1 қаңтар күнгі марафон жүгіру немесе теріс калориялы сыра көмектесе ме? Бәлкім, мерекенің сәтті өтуінің кепілі Аяз Атаны моншаның әйелдер бөлімінде жолықтырып қалу шығар? Ең бастысы, жүздеген адамның кешін быт-шыт қылмас үшін корпоративтің алғашқы минуттарында абай болған дұрыс-ау.
Осы және басқа мәселелер «Кімдікі дұрыс?» подкастының бірінші шығарылымында.
Косметолог және биохакер Әсел Баяндарова, актриса Айсұлу Әзімбаева, теннис клубының басқарушысы және жүргізуші Сергей Мазур подкаст жүргізушісі Артем Крыловқа мейрамды сәтті-сәтсіз атап өтудің әдістері туралы айтып берді. Сонымен қатар олар тамаққа, алкогольге, темекі тартуға және белсенді өмір салтына деген көзқарасын қалай өзгерткені туралы әңгімеледі.
«Кімдікі дұрыс?» – біздің жоба аясындағы подкастар сериясы. Мұнда біз қызықты тұлғалармен олардың өмірі, жұмысы және зиян әдеттерге деген қатынасы туралы сөйлесеміз.
Біздің жоба ішімдік ішуден, шылым шегуден, сапасыз тамақтанудан және қозғалыссыз өмір салтынан болатын зиянды азайту концепциясына арналған.
Каналға жазылыңыз, әлеуметтік желілердегі парақшаларымызды оқи отырыңыз (Instagram, Facebook, VK) – тыйым салу тиімсіз болғанда не істеу керектігі жайлы хабардар болыңыз.
Аударған Димаш Зиядин
Фотоколлаж yanlaurentxo